Најбогатиот човек во светот, Илон Маск, е уверен дека неговата ќерка Вивијан ги прекина односите со него бидејќи е научена да ги презира богатите.
Најстарата ќерка на милијардерот има 18 години, а во интервју за Financial Times тој проговори за нивниот нестабилен однос и тврди дека образованието е виновно што таа мисли дека нејзиниот татко е лош.
„Тоа е вистински комунизам и општо чувство дека ако си богат, тогаш си лош. Тој однос може да се промени, но јас имам многу добри односи со моите други деца“, кажа Маск.
Овие вести доаѓаат 4 месеци откако беше објавено дека неговата ќерка се откажува од презимето, земајќи го мајчиното моминско презиме, а поднесе и барање законски да го промени полот од женско во машко.
Во документите таа вели дека не сака ниту да живее, ниту да биде блиско поврзана со нејзиниот биолошки татко на кој било начин или во кој било облик.
Вивиен и нејзиниот брат близнак Грифин се родени во бракот со бившата сопруга Џастин Вилсон, со која има уште три сина.
