Социјалната мрежа Instagram најави серија нови опции кои би требало да им помогнат на корисниците полесно да ја поднесат изолацијата, да останат информирани и поврзани во текот на пандемијата со коронавирусот.
Помеѓу најинтересните нови можности е опцијата Co-Watching, која им овозможува на корисниците заедно со пријателите да ги гледаат објавите на Instagram и да разговараат во групен разговор.
За користење на новите опции треба да започнете видео разговор со некој, а потоа да ја допрете иконата за фотографии во десниот агол. Ќе се појави листа од објави кои неодамна сте ги гледале и може да одберете една објава која ќе им ја покажете на пријателите во разговорот.
Instagram вети дека ќе вклучи повеќе образовни извори на Instagram Search, дека ќе додаде налепници за да се промовираат точни информации и најавија дека ќе ги отстранат сите дезинформации за коронавирусот.
Исто така, тука е и налепницата за донирање за да се обезбеди помош на луѓето и пронајдоа релевантни непрофитни организации.
