Apple ќе биде добро подготвен за претставување на следниот iPhone, кој треба да излезе во септември.
Ќе има значително повеќе снабдувачи на 5G компоненти, бидејќи планот е овие уреди да имаат функционален mmWave 5G и надвор од САД.
Според DigiTimes, дури пет различни компании ќе им помогнат тие делови да се најдат во серијата iPhone 13. На секој iPhone уред му се потребни четири antenna-in-package модели (AIP, ова се интегрирани антени на матичната плоча), што го прави производството на паметни телефони покомплексно, за што се потребни дополнителни добавувачи. Минатогодишниот iPhone беше првиот телефон на Apple кој имаше поддршка за mmWave и sub-6GHz 5G мрежа.
Sub-6GHz мрежата понуди два до пет пати поголема брзина во споредба со 4G, а кога ќе се спореди со mmWave, може да биде побавна, но лесно достапна во однос на покриеноста. Поврзувањето mmWave нуди брзина од повеќе гигабајти, но е достапна само во одредени области и корисникот треба да биде надвор за да ја постигне таа брзина.
Во текот на 2020 година, Apple го направи првиот чекор кон поддршка на серијата iPhone 12 за 5G. Токму моделите од таа серија можат да го соборат рекордот за најпродавани телефони во една година. Оваа престижна позиција ја има серијата iPhone 6.