За претстојниот iPhone 14 на Apple се зборува долго време, а шпекулациите ќе продолжат до септември, кога ќе ја „здогледа светлината на денот“. Сепак, некои детали за овој уред се веќе познати.
Со оглед на фактот дека се работи за сосема нов iPhone, фановите со нетрпение го очекуваат, а овој пат Apple ќе претстави четири модели од серијата, но сепак ќе има одредени промени. Наместо iPhone 14 mini треба да го видиме iPhone 14 Max, па серијата би се состои од iPhone 14, iPhone 14 Max, iPhone 14 Pro и iPhone 14 Pro Max.
Гласините најавуваат дека iPhone 14 носи некои радикални промени, а тие вклучуваат екран без „заб“, нов материјал за куќиштето и многу повеќе.
Азиските медиуми пишуваат дека Apple нема намера да продолжи со моделот Mini, додека познатиот аналитичар Минг-Чи Куо го најавува и iPhone 14 Max наместо најмалиот модел. Овој модел ќе има поголем екран исто како и iPhone 14 Pro Max, но со нешто послаби спецификации.
Се очекува екран од 6,1 инчи за iPhone 14 и iPhone 14 Pro, додека iPhone 14 Pro Max најверојатно ќе има екран од 6,7 инчи. Четвртиот модел, кој ќе го замени Mini, ќе биде единствениот што ќе претрпи промена, па наместо 5,4-инчен екран ќе има 6,7-инчен екран, исто како и iPhone 14 Pro Max.
Иако овој пат екранот е помалку подложен на промени, одредени промени во дизајнот ќе се должат на отстранувањето на „забот“ на екранот. Таа промена ќе биде дел од најмалку два модели на iPhone 14, веројатно два поскапи, кои ќе добијат перфорирани исечоци на екранот за селфи камери или комбинација од перфориран исечок и исечок во форма на пилула. Без разлика на дизајнот, сите четири модели ќе добијат OLED панели. Рабовите исто така ќе бидат 20 проценти потенки, што е уште една добра вест за фановите.
Секоја година Apple смислува нови трикови за пријатно да ги изненади клиентите. Иако ова не се големи подобрувања, промените на камерата обично се доволни за да се придобијат повеќето. Минатата година iPhone 13 имаше Cinematic Mode, а оваа година се очекуваат и некои интересни карактеристики за кои засега нема детали. Можно е Apple да планира да вгради поголеми сензори за стабилизација во своите поскапи модели, кои ќе овозможат подобри ноќни фотографии и постабилно видео.
Се очекува iPhone 14 да има главна камера од 48 MP, како и два други сензори од 12 MP, ултра широка и телефото камера. Имаше гласини дека моделите на iPhone 14 Pro ќе имаат перископска камера наместо телефото сензор, но ништо од тоа всушност не е важно.
Apple го претстави iPhone 13 со A15 Bionic процесор, а се шпекулира дека неговата подобрена верзија наречена A16 Bionic ќе лансира нови модели со подобри перформанси за маркетиншки цели. Некои упатени веруваат дека преименување на процесорот A15 Bionic е можно, но дека Apple ќе го користи за „послабите“ модели во новата серија, iPhone 14 и iPhone 14 Max, додека тврдат дека iPhone 14 Pro и 14 Pro Max ќе добијат уште помоќен A16 Bionic процесор.
Ќе биде зголемена и RAM меморијата, па најдобрите модели би требало да добијат 8 наместо 6 GB RAM, а зголемување се очекува и кај „поевтините“ модели од серијата.
Иако за ова се зборуваше, нема да има враќање на технологијата Touch ID. Оваа технологија претходно беше заменета со Face ID, освен во случајот со моделот iPhone SE.
