Според податоците на CMB (China Merchants Bank International), домашниот автомобилски гигант BYD во ноември на кинескиот пазар продал дури 152.863 возила, што е зголемување за дури 83 отсто во споредба со истиот месец во 2021 година.
Во исто време, Volkswagen продаде 143.602 автомобили, што е пад од 0,3% и падна на второто место на листата на најпопуларни автомобилски брендови во Кина.
Ако на резултатот на Volkswagen додадеме 36.847 продадени Audi, Volkswagen би ја задржал водечката позиција, пренесува Reuters.
Иако недостасуваат податоци за последните неколку денови од ноември за конечната месечна позиција, речиси е сигурно дека BYD за прв пат во историјата ќе биде најпродаваниот бренд на автомобили на кинескиот пазар.
Успехот е уште поголем бидејќи BYD нуди само електрични автомобили и plug-in хибриди. А кога станува збор за електричните автомобили, треба да се спомене и успехот на компанијата Tesla, која ја удвои продажбата во Кина, пред се благодарение на намалувањето на цените.
Потсетуваме дека BYD планира посилен ангажман во Европа, каде што ќе понуди многу конкурентни модели. Палетата наскоро би требало да опфати дури пет модели од овој бренд.
