Храната која ја јадете со текот на времето може да влијае на вашиот мозок. Некои намирници всушност можат да го оштетат паметењето и да го зголемат ризикот од невродегенеративни нарушувања, додека од друга страна некои можат да го спречат когнитивниот пад.
Нова студија откри дека јадењето брусници може да помогне вашиот мозок да се подмлади додека вие стареете.
Во студија објавена во Frontiers in Nutrition, научниците ангажирале група од 60 возрасни лица на возраст од 50 до 80 години, на период од 12 недели. На дел од нив исхраната им ја надополниле со брусница. На основа на когнитивните процени пред и по тие 12 недели, оние кои консумирале прав од брусница имале подобро епизодно сеќавање и невролошко функционирање.
Авторот на студијата, д-р Дејвид Вазур од Медицинскиот факултет на Универзитетот Источна Англија од Норвич, за Eat This, Not That вели дека овие резултати ветуваат многу, но не е јасно дали овошјето може да помогне во заштитата од сериозни невролошки состојби.
„Резултатите од студијата се многу охрабрувачки, особено ако се земе обѕир дека релативно кратката 12-неделна интервенција со брусница успеа да произведе значајни подобрувања кај меморијата и невралните функции“, вели Вазур. „Сепак, потребни е да се истражи дали овие ефекти се забележани и кај луѓе со благ когнитивен пад или невродегенеративни нарушувања“.
Покрај тоа, се препорачува вклучување брусница во секојдневната исхрана, особено и друго зрнесто овошје како начин за спречување на когнитивни промени поврзани со стареењето.
Нутриционистот Џули Ендрус советува промените во исхраната да ги правите постепено, чекор по чекор.
„Фокусирајте се на една или две помали промени во исхраната за да вклучите повеќе намирници корисни за мозокот. Еднаш неделно може да замените порција солена храна со дланка зрнесто овошје и јаткасти плодови, а може да додадете и неколку шолји спанаќ во следната салата“, советува таа.
