Денеска во просториите на Фудбалската федерација на Македонија се одржа жрепката за осминафиналето од Купот на Македонија.
Бранителот на трофејот, Македонија Ѓорче Петров, ќе игра против Вардар, додека ланскиот финалист, екипата на Струга, ќе гостува кај Воска Спорт во соседниот Охрид.
Дербито на оваа фаза е дефинитивно дуелот помеѓу Работнички и Шкендија.
Изненадувањето сезоната, струшкиот третолигаш Јанг Тим кој во 1. коло на пенали ја исфрли прилепска Победа, сега ќе игра против штипска Брегалница. Тоа е и единствениот третолигаш во оваа фаза од Купот, откако сите други испаднаа во 1. коло. Од второлигашите останаа само три.
Осминафинални двојки:
Вардар (1) - Македонија ЃП (1)
Брегалница (1) - Јанг Тим (3)
Работнички (1) - Шкендија (1)
Силекс (1) - Башкими 1947 (2)
Пелистер (2) - Тиквеш (1)
АП Брера Струмица (1) - Гостивар (1)
Шкупи (1) - Охрид (2)
Воска Спорт (1) - Струга (1)
Натпреварите ќе се играат на 25 октомври (среда), по репрезентативната пауза. Се игра само еден натпревар, а доколку по 90 минути нема победник, истиот ќе се бара веднаш со изведување на пенали.
