Вооружете се со тајните за убавина и младост на Јапонките и спречете предвремено стареење на кожата.
Дали знаевте дека оризот се смета за лековито козметичко средство кое се користи со векови, а особено се цени во јапонските рецепти за убавина? За да ја одржат кожата во совршена состојба и да го спречат предвременото стареење на кожата, Јапонките користат маска од ориз.
Оризот содржи витамини од групата Б кои го стимулираат растот и обновувањето на клетките, го забавуваат нивното стареење и го подобруваат снабдувањето со крв во кожата – сѐ што ви е потребно за блескав изглед на лицето, пренесува Uspesnazena.com.
Оваа лековита маска за лице со ориз, млеко и мед ќе ви стане омилена, бидејќи по нејзиното користење кожата станува нежна, светла, многу мека и сјајна.
Подготовка на јапонската маска од ориз:
Земете 2-3 лажици сиров ориз по желба и варете го додека не омекне добро (сировиот ориз ставете го во ладна вода, постепено загревајте го и така варете го). Процедете ја водата, која исто така ќе ја користите подоцна и оставете ја во посебен сад.
Варениот ориз исплакнете го со вода иво него додадете 1 лажица топло млеко. Промешајте ја смесата додека не се изедначи и додадете 1 лажица мед на неа.
Нанесете ја маската во дебел слој на исчистената кожа на лицето и вратот.
По половина час, внимателно отстранете ја маската и измијте ја со зовриена оризова вода.
Покрај споменатите корисни својства на оризот, сокот од ориз совршено ја хидрира кожата на лицето, содржи антиоксиданси и има способност да ги апсорбира ултравиолетовите зраци. Покрај тоа, тој е способен да го врзува бакарот, го забавува формирањето на меланин и на тој начин го спречува создавањето на пигментни дамки и ги осветлува постоечките.
Лековитиот раствор од ориз можете да го чувате во фрижидер 4 дена. Користете го наутро и навечер како лосион за лице. Можете да го замрзнете во калапи за мраз и да го користите како коцка мраз за масажа на лицето.
