Некои ги чуваат парите под перница, некои во банка, некои им позајмуваат пари на пријатели од доверба и така сметаат дека ги „штекнале” на страна, а некои пазарат на попуст во маркети како КАМ и Стокомак и мислат дека така заштедиле. Но, некои не успеваат никогаш да тргнат пари на страна. Доколку сте од последниве, придржувајте се кон оваа метода која Јапонците ја практикуваат повеќе од 100 години.
Јапонскиот систем на штедење кој во 1904 година го смислила новинарката Хани Мотоко е наречен „какеибо”, што во превод значи „сметководство на домаќинствата”. Цел век подоцна, овој начин на штедење и понатаму се применува, а најдобро функционира кај оние кои секаат да шопингуваат и да трошат пари на непотребни работи.
Првиот чекор е да ги запишувате сите трошоци во тетратка.
Вториот чекор е правење на месечен календар на примања. Во тетратката нацртајте четири колони за четирите недели во месецот. На почетокот од месецот, впишете ја платата и обележете ја со една боја, а под неа секој друг дополнителен приход (доколку го имате), кој исто така ќе го обележувате со различна боја.
Потоа, нацртајте табела во која ќе впишете колку пари би сакале да заштедите тој месец.
Последниот чекор е табела во која ќе ги внесете сите задолжителни трошоци, како кирија, сметки, рати за кредити, трошоци за храна…
Важно е да се запише на што сè би ги трошите парите, а што ви е неопходно. Оваа листа поделете ја на категориите: трошоци за живеење, забава, образование, култура итн.
На крајот од секој месец анализирајте ги трошоците и проверете дали сте се држеле во вашите рамки.