Европската Унија ѝ дава лажна надеж на Украина во однос на членството, изјави поранешниот шеф на Европската комисија, Жан-Клод Јункер.
„Многу ме нервираат одредени гласови во Европа кои се обидуваат да ги убедат Украинците дека може веднаш да станат членки на Европската Унија“, рече Јункер.
Тој смета дека Европската Унија нема да има корист од членството на Украина бидејќи Киев е длабоко корумпиран и има потреба од опсежни внатрешни реформи, пренесува Спутник.
Весникот Politico, претходно, повикувајќи се на извори, објави дека Брисел се подготвува да почне официјални преговори со Киев за влез во ЕУ, кои ќе бидат објавени во декември.
