Јужноафриканската кралица Нолоjисо Сандиле почина денеска како последица од компликации поврзани со COVID-19, соопшти кралското семејство.
Сестрата на актуелниот Зулу крал, Гудвил Звелитини, 56-годишната кралица Нолојисо беше регент на кралското семејство.
Претседателот на Јужна Африка, Сирил Рамафоза, ја опиша кралицата како „бастион на традиционалните вредности и инспиративен лидер на народот“, додавајќи дека имала значајна улога во развојот на кралството во Источен Кејп.
Во Јужна Африка постојат седум монархии, кои претставуваат различни етнички групи и кланови.
Во Јужна Африка има над 230.000 заразени со COVID-19, од кои 107.000 се оздравени, а 3.600 починаа.