Крајот на годината е речиси незамислив без култниот филм „Home Alone“ кој веќе 30 години ги забавува гледачите во периодот на новогодишните и божикните празници.
Главниот лик во филмот е Кевин МекКалистер, а многумина се сеќаваат на крадците од филмот кои го добија прекарот „Влажни бандити“. Крадците Марв и Хари ги глумеа Дениел Стерн и Џо Пеши, а многумина денес не би ги препознале.
Во филмот „Home Alone“, крадците Марв и Хари беа жртви на стапиците на Кевин кои често оставаа последици по нивните тела. Дениел едно време размислувал за повредите кои ги заработил на сетот, а кои не биле само филмска магија и шминка.
„Беше како да игравме некој спорт. Не се повредуваш затоа што се забавуваш. Добив силен удар во носот и си го раскрварив кога морав да ја протнам главата низ вратата за кучето. Морав и да ја извадам брзо, но се заглавив со мојот голем нос“, се сеќава тој.
Сними уште неколку филмови, но сите беа помалку успешни од иконскиот „Home Alone“. Некои од подобрите во кои глумеше се „City Slickers“ (1 и 2) и „Rookie of the Year“. Покрај актерството, Стерн се занимава и со режија, а во 2009 година ја доби наградата Call to Service од поранешниот американски претседател Барак Обама.
По улогата во „Home Alone“, Џо Пеши постигна многу поголем успех од неговиот колега арамија. Глумеше во бројни филмови како „Goodfellas“, „My Cousin Vinny“, „Casino“, „Lethal Weapon“ (3 и 4), „Gone Fishin'“ и „The Irishman“.
Џо повторно го видовме во серијата „Bupkis“ од оваа година, во која глумеше со комичарот Пит Дејвидсон и Еди Фалко, најпозната по улогата на Кармела во серијата „The Sopranoes“. Ова беше прв пат за Џо на големото платно по 30 години. Неговото богатство се проценува на околу 50 милиони долари.
