Поминаа две години откако Windows 11 првпат беше откриен, а во исто време следната година, Microsoft би можел да почне да зборува за Next Valley, кој би требало да биде попознат како Windows 12.
Возбудата и вревата околу оперативниот систем од следната генерација полека почнуваат да се градат, а се појавија неколку концепти кои покажуваат како би можел да изгледа следниот оперативен систем Windows.
Така, јутјуберот AR 4789 објави концепт видео за Windows 12 на неговиот sbom канал минатиот месец.
Видеото ги прикажува Start менито и виџетите кои корисниците би можеле со одушевување да ги прифатат. Главните карактеристики на Windows 11 се задржани, како што се заоблените рабови, а лебдечкиот таскбар речиси сигурно треба да биде дел од Windows 12 (освен ако Microsoft во меѓувреме не се премисли).
Концептот нуди и речиси совршена рамнотежа помеѓу светлите и темните теми. Видеото дава подетален поглед и на другите функции, како што се File Explorer, Tabbed Notepad, Microsoft Store и многу повеќе.
Cloud се очекува да биде суштинска карактеристика на Windows 12, заедно со ВИ можности, бидејќи Microsoft полека ја интегрира вештачката интелигенција во Windows.
