Во текот на летните месеци обично минуваме се повеќе време на отворено, при што сме изложени на сонце. Важно е да ја научите разликата меѓу топлотен удар и исцрпеност од жештини, за навреме да се заштитите.
Симптоми на топлотен удар
Кога некој страда од топлотен удар, телесната температура може да порасне до 40 степени Целзиусови или повеќе. Симптомите вклучуваат збунетост, нејасен говор, обилно потење или жешка, сува кожа, губење свест, напади и висока телесна температура.
Овие симптоми се сметаат за многу сериозни и ако ги забележите треба да побарате итна медицинска помош.
Симптоми на исцрпеност која се јавува во текот на жештини
Може да биде предизвикана од дехидрација, носење тешка, припиена облека и консумирање алкохол. Треба да се споменат одредени фактори кои можат да предизвикаат исцрпеност и топлотен удар.
Еве што може да влијае на зголемена чувствителност на жештина:
-возраста (децата помали од 4 години и возрасните над 65 години имаат зголемен ризик бидејќи кај нив е намалена способноста на регулацијата на температурата.
-лекови (некои лекови на рецепт можат да ја намалат способноста на телото подолго време да биде хидратизирано, а дехидрацијата може да доведе до топлински удар.
-дебелина (телото задржува повеќе топлина ако лицето има вишок килограми, а може потешко да се разлади телото ако имате прекумерна тежина).
-ненадејни промени во температурата (кога почесто се движите од студена на топла локација телото можеби нема да може да се адаптира на тие промени па потешко ќе се регулира телесната температура.
