Не можете да го замислите вашето секојдневие без шолја кафе.
Сепак, топлиот пијалок не е нешто што ви треба сега кога температурата е екстремно висока, па затоа направете си ладно кафе и уживајте во омилениот пијалок кој овојпат и ќе ве разлади.
Со овој рецепт можете да направите ладно кафе дома, баш како она во кафуле.
Потребни состојки:
три лажички инстант кафе
две лажички шеќер
500 мл млеко
четири топки сладолед од ванила
еден ред чоколадо
една лажица какао во прав
две лажици чоколадно млеко
80 мл слатка павлака
Начин на подготовка:
Изладеното млеко, шеќерот, кафето и сладоледот од ванила се мешаат додека убаво да се соединат состојките, односно додека не добијат форма на смути.
Истурете половина од смесата во чаша претходно украсена со чоколадно млеко. Додадете топка сладолед, малку чоколадо и посипете со какао во прав.
Изматете ја слатката павлака и додајте ја во ладното кафе доколку сакате посладок напиток. Можете да додадете две до три коцки мраз за кафето да биде уште поладно.
