Поволностите на „Викенд без ДДВ“ ќе може да ги искористат само корисниците на апликацијата „МојДДВ“, кои ќе купат домашни производи и услуги или компјутери и друга ИТ опрема во вредност од најмногу 30.000 денари.
Собранието денеска во рамки на продолжението на 15. седница со 71 глас „за“, девет воздржани и без ниту еден против го донесе Законот за изменување и дополнувањe на Законот за враќање на дел од данокот на додадена вредност на физичките лица, по скратена постапка.
Со изгласаните законски измени се овозможува да се реализира мерката „Викенд без ДДВ“, дел од најавените антикризни мерки на Владата поради ковид пандемијата.
Пратениците од СДСМ сметаат дека се работи за проект од интерес на граѓаните и вчера повикаа сите пратеници да го поддржат. Проектот „Викенд без ДДВ“, според владејачкото мнозинство, ќе значи пари назад на сметките на граѓаните, поддршка на приватната потрошувачка и зајакнување на домашниот буџет.
Опозицијата, пак, оцени дека законот е напишан набрзина и оти има задоцнетост во неговата примена. Сметаат дека граѓаните нема да имаат никаква корист и забалежуваат дека проектот е наменет само за тие кои имаат „паметни телефони“ и се корисници на апликацијата „Мој ДДВ“.
Од ВМРО-ДПМНЕ предлагаат оваа мерка да биде спроведена во четири викенди, еден во месеците ноември и декември годинава и по еден викенд во јануари и февруари следната година. Така, како што велат, ќе се заштити здравјето на граѓаните и ќе нема турканици во продавниците, а истовремено ќе се зајакнува економијата и ќе се помага на производителите на македонски производи.
„Викенд без ДДВ“ е дел од четвртиот сет на владини антикризни мерки.
Во законот се наведува дека фискалните сметки кои ќе бидат цел на целосен поврат на данокот на додадена вредност ќе може да се скенираат преку апликативниот софтвер на Управата за јавни приходи најдоцна три дена од рокот на издавање.
Некои од македонските корисници на социјалната мрежа Twitter, заедница која многумина ја нарекуваат „Македонија во мало“, имаат остри реакции за ваквата мерка, особено имајќи ги предвид рекордните бројки на заболени од COVID-19 деновиве.
Некои коментари се насочени кон реалноста дека многу луѓе не можат да си дозволат да купат технолошки уреди или мебел ни на рати, па не во кеш.
Други укажуваат дека некои продавници вештачки ги зголемиле цените на производите што ги опфаќа мерката, непосредно пред Викендот без ДДВ.
Ова се најчитаните и најкоментираните твитови на темата:
