Настанокот на Англија каква што ја знаеме денес не бил толку едноставен процес како што многумина мислат. Бил полн со доселувања и крвави војни.
Како и многу народи во Европа, Англичаните се дојденци на територијата каде денес живеат. Општо прифатено е дека денешните Англичани се потомци на Англосаксонците, народ од германско потекло кој почнал да го населува југоисточниот дел на островот Британија
Како што Римјаните полека се повлекувале од Британија, домородните Британци почнале да трпат жестоки напади од соседните народи Шкоти и Пикти. Се здружиле со дојдените Англосаксонци за да се одбранат од Шкотите и Пиктите и успешно ги избркале, но потоа дојденците од Германија се свртеле против Британците, ги потчиниле и на почетокот од VII век создале своја власт, која ја поделиле на 7 кралства: Есекс, Кент, Сасекс, Мерсија, Источна Англија, Нортумбрија и Весекс.
Во 793 година се случила познатата инвазија на скандинавските Викинзи со опустошувањето на манастирот Линдисфарн во Нортумбрија. Оттогаш почнува нова историја во создавањето на модерна Англија. Викинзите полека ги освојувале англосаксонските кралства, а на крајот останале само Весекс и Мерсија да пружаат отпор. Во наредните децении Весекс ја припоил Мерсија и почнал да се шири на сметка на Викинзите.
Многумина историчари го сметаат 12 јули 927 година за датум кога е созданена Англија. Имено, тогаш англосаксонскиот крал Атостен успеал да ги освои сите територии на Викинзите во Британија и се прогласал за крал на Англичаните.
Но, тоа не значело крај на војните бидејќи тука биле Шкотите и Ирците за да прават проблеми, ниту Викинзите биле тотално потчинети, а дошле и нови од Норвешка...
