Веќе не е невообичаено да гледаме четириножни роботи со компјутерски вид да се движат по скали, но водењето „слеп“ двоножен робот е сосема поинаков предизвик.
Сега, истражувачите од Државниот универзитет во Орегон постигнаа подвиг со двоножниот робот Cassie на компанијата Agility Robotics, кого го тренираат во симулатор.
Зошто би сакале слеп робот да се движи по скали? Како што истакнуваат истражувачите, роботите не можат секогаш да се потпрат целосно на камери или други сензори поради можна слаба осветленост, магла и други проблеми. Идеално, тие исто така би користеле „проприоцепција“ (свесност за телото) за да се движат во непозната средина.
Истражувачите користеа техника на симулатор наречена Reinforcement Learning за да утврдат како ќе оди роботот. Тие забележаа дека „обуката за двоножните роботи ќе вклучува многу падови, особено на почетокот на обуката“, па симулаторот им овозможи да го направат тоа без да го скршат роботот. Тие го научија роботот практично да се снаоѓа во бројни ситуации, вклучувајќи скалила и рамно тло.
Истражувачите го водеа роботот околу универзитетскиот кампус да проверат како ќе се снајде по скали и на различни видови терени. Тој се покажа како доар ученик, фаќајќи се во костец со рабници, камења и други нерамни терени што ги немаше видено порано. На скали, истражувачите направија 10 обиди за искачување и 10 за симнување, и ги обработија оние со 80 или 100 процентна ефикасност.
Имаше неколку забелешки на првите тестови, бидејќи роботот мораше да работи со стандардна брзина - имаше тенденција да се стркала ако влезеше премногу брзо или премногу бавно. Исто така е многу зависен од меморискиот механизам, поради предизвикот за навигација во непозната средина кога не гледа. Истражувачите планираат идни тестови за да утврдат дали ефикасноста се подобрува со додавање на компјутерски вид. Сè на сè, „ова дело покажа изненадувачки способности за движење на слепо и го остава отворено прашањето каде се границите“, напишаа научниците.
