Вчера официјално беше исклучен Internet Explorer. Иако со години собираше прашина на компјутерските екрани и беше мета на потсмев поради бавната брзина зад други прелистувачи, фактот што повеќе нема да биде таму растажи многумина.
Веста дека после 27 години Internet Explorer ќе нѐ напушти беше позната од претходно, а кога дојде тој час социјалните мрежи беа преплавени со разни шеги, но и носталгични објави посветени на него.
Корисниците на интернет почувствуваа потреба да се збогуваат со прелистувачот на Microsoft, кој и покрај тоа што беше лесна мета за потсмев, имаше значајна улога во историјата на сурфањето, што го потврди и еден корисник.
Том Ворен, уредник на The Verge, сподели мини-стрип кој покажува како (не)познатиот прелистувач престанал да реагира дури и кога требало да го напушти овој свет.
„Дали Internet Explorer некогаш навистина е мртов?“, праша тој.
Нормално, твитерџии беа главни кога се во прашање духовитите опростувања од легендарниот прелистувач.
Стариот прелистувач сега е заменет со Microsoft Edge, за кој се вели дека нуди поголема брзина и безбедност.
