Безбедносните сили на Казахстан соопштија дека денеска се убиени десетина демонстранти во обидот да се воспостави ред во Алмати. Ова се случило откако демонстрантите се обиделе да ја преземат контролата над полициските станици во градот.
Убиени се дванаесет припадници на безбедносните сили, а 353 се повредени во немирите предизвикани по двојното зголемување на течниот нафтен гас (ЛПГ).
Русија испрати трупи на барање на казахстанскиот претседател. Тие ќе бидат распоредени за помогнат во стабилизација на земјата која е членка на Организацијата за договор за колективна безбедност, заедно со Русија, Белорусија, Таџикистан, Киргистан и Ерменија.
Руските падобранци се испраќаат како мировни сили со веќе распоредени претходни единици, а снимките објавени од руските медиуми покажуваат како војниците влегуваат во воен транспортен авион.
Казахстанските власти денеска поставија ограничувања за цената на горивото за шест месеци, откако новогодишното зголемување на цените предизвика протести кои се претворија во масовни немири.