Претседателот Токајев се предомисли само три години откако Астана ја преименува во Нур-Султан во чест на поранешниот лидер.
Казахстан е подготвен по којзнае кој пат да направи промена на името на својата престолнина откако претседателот Касим-Жомарт Токајев изјави дека ја поддржува идејата Нур-Султан да си го врати старото име. Потегот, објавен од претседателскиот портпарол преку пост на Facebook денеска, ќе ја врати назад една од првите одлуки на Токајев откако стана претседател во 2019 години после децении на владеење на казахстанскиот прв претседател, Нурсултан Назарбајев.
Иницијативата за преименување беше вклучена во пакетот уставни реформи по притисокот што го започнаа пратениците претходно овој месец, кои се бунеа дека е „погрешно“ да се именува град по личност која сѐ уште е жива и дека „луѓето не го прифатија новото име на главниот град“.
Казахстанската престолнина претрпе неколку променми на името во изминатото столетие, а дури беше и преселувана во неколку наврати. За време на царска Русија градот Астана беше познат како Акмолинск, потоа во советската ера беше преименуван во Целиноград, а кога Казахстан стекна независност во раните 90-ти го доби името Акмола. Името Астана го доби дури во 1997 година.
Воедно, парламентарната иницијатива доаѓа после насилните немири од годинава, поттикнати од големиот пораст на цените на горивата што се случи откако беше ставен крај на државното ограничување на цените, како и незадоволството од наводната корупција. Деновите на протести, нереди и судири со безбедносните сили резултираа со стотици загинати и илјадници уапсени. Мировните сили предводени од Русија успеаја во еден момент да го смират насилството, но предизвикаа бројни уставни и економски реформи кои ги направи Владата.
