Принцовите Вилијам, Чарлс и Хари по погребот на принцот Филип два часа разговараа во дворецот Виндзор, пишуваат британските медиуми.
Чарлс имал приватен разговор со синовите по погребот на принцот Филип, а според медиумите, тоа било и желбата на Филип. Тие тројцата се сретнаа и разговараа далеку од очите на јавноста по саботниот телевизиски пренос на погребната церемонија.
Британците се надеваат дека тоа е знак на надеж за почеток на решавање на проблемите меѓу Вилијам и Хари, кој најверојатно ќе остане во Лондон до среда, кога кралицата ќе го одбележи 95 роденден.
Ова е прва средба меѓу браќата по шокантното интервју коешто Хари и Меган го дадоа на Опра Винфри. Тогаш, Меган го обвини кралското семејство за расизам, а Хари изјави дека татко му и брат му се заробени во систем од кој немаат можност да излезат.
