Со купувањето на Ерлинг Холанд и Хулиан Алварес, Манчестер Сити веројатно за долго време ја реши напаѓачката позиција, а Норвежанецот му откри на својот аргентински соиграч за кој клуб навива.
Познато е дека Холанд отсекогаш бил фан на Манчестер Сити, бидејќи неговиот татко Алф-Инге Холанд играше за „Граѓаните“. Познати се бројните фотографии на младиот Ерлинг во дресот на Сити.
Сепак, Холанд има уште еден клуб за кој навива и тоа по природен пат. Ова го откри Алварес, кој е во одлични односи со Норвежанецот откако се здружија во нападот на „Граѓаните“.
За нивниот однос Алварес зборуваше за аргентинскиот ТВ канал TyC Sports. Откри дека Холанд е вљубеник во аргентинскиот фудбал.
„Покрај тоа што сите го знаеме за фудбалот, Холанд е навистина добар човек. Ми помага, разговараме и надвор од теренот. Се трудам да го гледам за да научам некои работи“, изјави Алварес.
Алварес е дете на Ривер Плејт, а откри дека Холанд го разочарал со тоа што му рекол дека е навивач на големиот ривал Бока Жуниорс.
„Кога пристигнав, ми кажа дека е навивач на Бока. Ми зборуваше за 'Ла Бомбонера' и ме прашуваше за аргентинскиот фудбал. Мислам дека на него влијаниел Леонардо Белерди, додека беше во Борусија. Ќе видиме дали малку ќе го промениме тоа. Ќе биде тешко, но ќе се обидам“, изјави искрениот Алварес.
Претходно, Балерди призна дека Холанд често го прашувал за Бока и атмосферата на натпреварите на култната „Ла Бомбонера“.