Агенцијата WME, која ги застапува некои од најголемите светски ѕвезди, ја прекина соработката со актерот Арми Хамер поради контроверзните шпекулации што кружат за него во последните месеци.
Арми веќе остана без неколку улоги и проекти во кои требаше да учествува, еден од нив е и филмот Shotgun Wedding, каде требаш да глуми покрај Џенифер Лопез. Но, студиото Lionsgate го откажа проектот со него, пренесе Deadline.
Неодамна на социјалните мрежи се појавија објави кои наводно се напишани од Арми, а во кои тој искажува сексуални фантазии кои вклучуваат садизам и канибализам. Кратко време потоа медиумите почнаа да пишуваат дека Арми на Twitter со години следи БДСМ содржини.
Актерот во интервју за TMZ изјави дека станува збор за лаги и лажни напади.
Во меѓувреме, неговата поранешна сопруга Елизабет Чемберс, со која Арми се раздели во 2020 година по 10-годишен брак, на Instagram напиша дека е шокирана од последните настани и дека дава поддршка на секоја жртва на навреди и насилство.