Летниот одмор во египетскиот ресорт Хургада се претвори во пекол откако две жени беа нападнати и усмртени од ајкула.
Прво настада жена Австралија која во петокот беше нападната од мако ајкула и со тешки повреди беше пренесена во болница, каде им подлегна на повредите. Ајкулата ѝ откинала рака и нога. Се работи за 68-годишната Елизабет Скуајер која живеела во Хургада откако се омажила за Египќанец.
Нападот се случил пред очите на останатите капачи кои немоќно гледале и се прашувале каде се спаувачите. Плажата веднаш беше затворена на три дена.
На YouTube се појави и видео снимено од очевидец од моментот на нападот:
Но, само неколку часа подоцна крајбрежната стража забележала тело на уште една жртва, на околу 600 метри од местото каде била нападната Австралијката, плажата Сахл Хашиш. Втората жртва е Романка.
Египетското Министерство за екологија наведува дека е формиран комитет кој ќе ги разгледа околностите на нападите и научните причини.
Официјален гувернер на Црвеното Море, генерал-мајор Амр Ханафи нареди прекин на сите активности во областа каде што се случија нападите од ајкули.
Се претпоставува дека и вториот напад бил од ајкула од видот мако. Се работи за многу брза риба и потенцијално опасна. Возрасните примероци можат да бидат долги 4,5 метри и да тежат над 500 килограми. Се хранат со риби како харинга, скуша, сабјарка, но и со цицачи како што се мали китови.
Нападите на ајкули во Египет се ретки, но Црвеното Море има повеќе од 44 видови риби, од кои некои можат да бидат смртоносни. Најчести се сивите гребенски ајкули долги речиси 2 метра, кои имаат 13 или 14 остри заби. Пливаат во плитки води длабоки околу 60 метри или помалку.
