Хулк Хоган потврди дека официјално се развел од сопругата Џенифер Мекданиел, по 11 години во брак.
Шеесет и осумгодишниот поранешен кечер мина повеќе од деценија со неговата втора сопруга, но вчера на Twitter објави дека повеќе не се во брак.
Хулк неодамна на Instagram објави видео со американскиот пејач Брет Мајклс, а на кое се гледа и новата девојка на Хоган. Уште од тогаш обожавателите се запрашаа во какви односи е со сопругата.
Потоа, и самиот Хоган потврди:
„Колку да се знае, во објавите на Facebook и на Instagram сме јас и мојата девојка Скај, официјално сум разведен. Жал ми е што мислев дека сите веќе знаат“, порача тој.
Хулк и Џенифер поднесоа барање за развод во октомври, 2021 година. Парот се венча во 2010 година по две години минати заедно. Претходно, Хоган беше 26 години во брак со Линда Хоган, со која има две деца.
Бракот им пропадна затоа што Хоган наводно ја изневерувал Линда.
