Полскиот голгетер Роберт Левандовски ја надмина границата од 600 постигнати голови во кариерата откако погоди во синоќешната победа на Барселона над Виљареал.
Барса славеше со убедливи 3:0 против Виљареал, а Левандовски на овој натпревар ги постигна головите број 600 и 601 во својата кариера. Овој 34-годишен напаѓач стана само третиот играч од 2000 година па наваму кој ја надминал границата од 600 голови, по Лионел Меси и Кристијано Роналдо.
Откако летоска дојде во каталонскиот гигант има постигнато 16 голови на 14 натпревари во сите натпреварувања. На „Камп Ноу“ пристигна од минхенски Баерн каде долги години тресеше мрежи постигнувајќи 344 голови на 365 натпревари. Претходно, играјќи за Борусија од Дортмунд во противничките мрежи постигна 103 голови на 186 натпревари.
Пред доаѓањето во Германија, популарниот Лева во домашната полска лига постигна 21 гол за Зњиц и 41 за познањски Лех, додека во дресот на репорезентацијата на Полска досега има постигнато 76 голлови на 134 натпревари.
