Android е мобилен оперативен систем, кој е најпопуларен во светот по број на корисници, а наскоро добива нова верзија.
Google планира да ја претстави следната верзија на својот мобилен оперативен систем, Android 14, на 10 мај. Новата верзија на платформата треба да има подобрувања во перформансите и батеријата, безбедноста и приватноста.
Во моментов, Android 14 е во фаза на тестирање и само инсајдери имаат пристап до развојната бета верзија. Функциите што ќе ги наведеме подолу можеби нема да се достапни во финалната верзија на Android 14, но еве на што работи Gogole во моментов.
Подобрени перформанси на батеријата - Google работи на контрола на потрошувачката на батеријата на Android, што ќе го промени начинот на кој системот ги контролира задачите во заднина, како и преземањата и поставувањата. Има и опција која проверува колку време корисникот поминал пред екранот од последното полнење на батеријата.
Подобрена поддршка за големи екрани – Ќе има повеќе и подобро оптимизирани апликации кои ќе можат да работат на стандардни телефони, преклопни уреди и таблети.
Подобрена безбедност - Android 14 нема да дозволи инсталирање на постари апликации, создадени за Android 5.1 или претходни верзии на софтвер. Ќе има и подобра поддршка за отклучување уреди со биометриски методи.
Блокирање пристап до фотографии и видеа - Android веќе има опција за кои апликации можете да го блокирате пристапот до сите фотографии и видеа, а Android 14 ќе има опција која ќе овозможи пристап до поединечни фајлови.
Има и опции за префрлање на поголеми фонтови кои одат до 200% (Android 13 понуди опција за зголемување на фонтови до 130%), како и можност за активирање на осветлена камера или екран кога ќе пристигнат нови известувања.
