Многу истражувања покажаа дека повеќето жени не се задоволни од тоа колку често доживуваат оргазам.
Три фактори се од суштинско значење за постигнување врвно уживање.
Според Националната библиотека за медицина, 10 до 15 отсто од жените никогаш не доживеале оргазам. Од друга страна, пет до 10 отсто од мажите се соочуваат со истиот проблем.
Се подразбира дека преференциите варираат, но експертите се согласуваат дека следните фактори се клучни за постигнување на задоволство:
„Потребна е комбинација од притисок и ритам“, вели д-р Лори Минц. Примената на соодветна количина на притисок на ерогените зони помага да се изгради сексуална возбуда и се активираат мускулите. Се разбира, притисокот треба да се усогласи со ритамот за да се опуштите што е можно повеќе. Вибратор може да ви помогне во ова.
Свесноста значи да ги ставите умот и телото на исто место во исто време. Повеќето од нас тоа не го прават ниту во секојдневниот живот, а уште помалку сексуално. Кога имаме секс, прашањата што ни се движат низ глава се: „Како изгледам?“, „Што правам?“, „Дали го правам ова правилно?“...
„Не можете да доживеете оргазам кога не сте целосно присутни. Мора да научите како да бидете целосно посветени на сексот“, вели Минц.
Таа ги советува луѓето да вежбаат медитација или јога за да го научат ова, а за време на сексот да пуштаат музика.
Се подразбира дека паровите кои отворено зборуваат за тоа што сакаат за време на сексот, имаат многу поголеми шанси да доживеат оргазам. Сепак, многу луѓе го прескокнуваат ова.
„Вообичаен мит е дека вашиот партнер треба да знае што сакате без да ве прашува. Никој не чита мисли. Затоа комуникацијата е важна“, истакна таа.
