Битката за влез во англиската Премиер лига оваа година нуди многу повозбудливо искуство од претходните сезони, а има три екипи во жестока трка.
Пред неколку недели се чинеше дека Лестер е сигурен патник да се врати во Премиер лигата, но „Лисиците“ испуштија неверојатно 17 бодови пред тогаш третопласираниот Лидс.
Лестер моментално е трет со 85 бодови (и натпревар помалку), а за влез во Премиер лигата ќе се бори со второпласираниот Лидс (86 бода) и првопласираниот Ипсвич (87 бодови).
Станува збор за Ипсвич, на кој никој не му предвидуваше ниту борба за влез во повисок ранг. Но, тимот предводен од неодамнешниот помошник тренер на Манчестер Јунајтед, Киран МекКена, игра фантастично и е прв на табелата и покрај сите очекувања.
Сите тројца конкуренти за пласман во повисок ранг синоќа забележаа победи на домашен терен. Лестер победи со 3:1 против Норич, Ипсвич со пресврт беше подобар од Саутемптон (3:2), а Лидс беше подобар од Хал (3:1).
Две екипи директно ќе се пласираат во Премиер лигата, а оние од 3. до 6. место ќе разигруваат во плеј-оф за последното место.
Инаку, за Ипсвич своевремено настапуваше поранешниот македонски репрезентативец Величе Шумуликоски.
