Ако секојдневно носите заштитна маска, веројатно се прашувате како да ја одржувате чиста. Маските се изложени на разни честички кои постојат во воздухот, а го допираат лицето. Јасно е дека треба да бидат чисти, но колку често треба да ги перете?
Според д-р Шошани Унгерледер, платнените маски за лице треба редовно да се перат машински, а не рачно.
„Би било идеално да ги перете во машина по секоја употреба“, вели таа за CBSN.
Вашата маска за лице потенцијално е изложена на вирусот SARS-CoV-2 секој пат кога ќе го напуштите домот, затоа треба да бидете внимателни кога ја вадите од лицето.
„Внимавајте во текот на симнувањето на маската да не ги допрете очите, носот или устата и веднаш потоа измијте ги рацете“, советува докторката.
Ако користите еднократни маски за лице не би требало нив да ги перете, но не мора да ги фрлите по една употреба. Прифатливо е да ги смените еднаш дневно, освен ако работите во здравството, вели докторката Линда Вали од Мичиген.
Вали советува ако не можете секој ден да ги перете платнените маски во машина, тогаш треба д ги перете со врела вода и сапун и да ги оставите добро да се исушат и да ги испеглате пред употреба.
