Без сомнение коронавирусот од темел го промени животот на луѓето, влијаејќи негативно и на сексуалниот живот. Но, пандемијата само ја заокружи приказната за повеќегодишниот негативен тренд, барем кога станува збор за зачестеноста на сексуалните односи.
Токму поради тоа е интересно да се погледнат податоците од студија која се занимавала со тоа колку луѓе немале секс во последните три години, пишува Metro.co.uk.
Истражувањето спроведено минатата година во Велика Британија покажало дека 12 проценти од испитаниците не воделе љубов од 2017 година.
Најзагрозена категорија се младите на возраст од 18 до 24 години, неверојатни 42,5 проценти од испитаниците рекле дека нивниот сексуален живот е во криза, додека само 12,7 проценти од луѓето постари од 65 години изјавиле дека се незадоволни од зачестеноста на сексуалните односи.
Ова се најчестите причини кои доведуваат до недостаток на секс:
- 37 проценти од анкетираните навеле дека не им е дојдено до секс поради умор и исцрпеност од работните обврски.
- на второ место е менталното здравје, со 33,6 проценти од гласовите.
- незадоволство од личниот изглед, 25 проценти од испитаниците изразиле незадоволство од сопствениот изглед. Овој тренд е најизразен кај помладите од 35 години.
- ниско либидо, 19,4 проценти
- стареење, 18,3 проценти
- менопауза, 14,5 проценти
-лекови, 12,6 проценти.
