Кристијано Роналдо за првпат проговори по завршувањето на Светското првенство во Катар, каде неговиот најголем ривал Лионел Меси го подигна шампионскиот трофеј и со тоа веројатно ги реши дилемите кога е во прашање најдобриот играч на сите времиња.
Португалецот извесно време не се огласуваше во јавноста по елиминацијата на Португалија во четвртфиналето на Мундијалот против Мароко, а за првпат по 11 дена на социјалните мрежи, поточно на story на Instagram, објави фотографија од тренингот за опоравување во базен, со широка насмевка како да сака да каже дека му се вратил духот по неуспехот во Катар.
Инаку, во текот на денот пристигна веста дека Кристијано Роналдо би можел да потпише седумгодишен договор вреден 1,4 милијарди евра.
