Актерот Кори Фелдман го обвини Мерилин Менсон за „децениско долго ментално и емоционално малтретирање“, како и за непрестајно мешање во неговиот живот.
Некогашната детска филмска ѕвезда тврди дека Менсон бил опседнат со него и го сметал за „идол“, пред да се обиде да манипулира со него како „играчка“. Неговите тврдења доаѓаат откако најмалку 11 жени изнесоа обвинувања за злоупотреба против 52-годишниот пејач, пренесе The Sun.
Кори на Instagram објави заедничка фотографија за која тврди дека била почеток на „ноќниот кошмар“ пред повеќе од 20 години. Кори наведе дека Менсон со него се обидел да манипулира така што му понудил кокаин, иако знаел дека тој веќе 5 години е чист.
„За среќа, таа вечер не бев физички повреден, но тоа беше почеток на моите ноќни кошмари“, наведе Кори во објавата. „Менсон беше опседнат со мене повеќе од две децении. Не ми верувате? Само погледнете ги објавените факти во неговата книга“, тврди тој.
Кори Фелдман претходно детално опишуваше наводно злоставување низ кое минал работејќи како дете актер во тинејџерските филмови во 80-тите години. Има зборувано и за опасен мрачен дел од филмската индустрија, тврдејќи дека постои моќен „холивудски педофилски синџир“ во индустријата.