Apple вети две години бесплатно користење на сателитската функција Emergency SOS кога ја претстави серијата iPhone 14 минатиот септември, но сега тој период го продолжи на уште една година.
Како што знаете, функцијата Emergency SOS се користи за контактирање на службите за итни случаи од локации кои не се покриени со мобилната мрежа.
Apple објави дека бесплатниот период на користење на функцијата за корисниците на iPhone 14 кои ги активирале своите уреди во земјите кои поддржуваат итен SOS преку сателит пред 15 ноември 2023 година, ќе биде продолжен за дополнителна година. Функцијата моментално е достапна во Австралија, Австрија, Белгија, Канада, Франција, Германија, Ирска, Италија, Луксембург, Холандија, Португалија, Шпанија, Швајцарија, Обединето Кралство, САД и Нов Зеланд.
Сè уште нема информации за цената на функцијата по завршувањето на бесплатниот период.
