Британските медиуми изминативе денови пишуваа за тоа дека кралицата Елизабета II навива за Вест Хем, но тоа не е точно, ако им се верува на нејзините блиски.
Како и на сите во Обединетото Кралство, фудбалот е составен дел од животот и на кралското семејство. Отсекогаш било актуелно прашањето за кого се навива во Бакингемската палата, а ситуацијата е таква што омилениот клуб варира од личност до личност.
Иако некои медиуми во Британија објавија дека кралицата Елизабета тајно го бодри Вест Хем, тоа сепак не е точно.
Членот на лабуристите Џереми Корбин откри дека кралицата Елизабета всушност е голем фан на Арсенал.
Корбин, кој го претставува Норт Ислингтон од 1983 година, откри дека кралицата Елизабета избрала да биде крунисана во 1953 година во срцето на територијата на Арсенал во Апер Стрит. Таа исто така требаше да го отвори стадионот „Емирејтс“ во 2006 година, но мораше да откаже поради повреда на грбот.
Дека кралицата Елизабета е навивачка на Арсенал потврди и поранешниот фудбалер на „Топчиите“, Сеск Фабрегас. Прославениот Шпанец дури потврди дека кралицата тоа сама го открила.
„Кралицата изгледа дека е голем љубител на фудбалот и ни кажа дека е навивач на Арсенал. Изгледа веднаш знаеше кој сум јас и разменивме неколку посебни зборови“, рече Фабрегас за приемот организиран за тимот од Северен Лондон во 2007 година.
Да потсетиме, 95-годишната кралица е позитивна на коронавирусот веќе неколку дена, но се очекува да продолжи да извршува полесни обврски подоцна во текот на неделата.