Скопје, 11мај 2020 (МИА) – Од страна на косовското Министерство за внатрешни работи во текот на минатата недела од слобода се лишени лицата Бесим Красничи и Фадил Точи кои се барани по потерница издадена од страна на Министерството за внатрешни работи за извршени тешки кривични дела, објави министерот за внатрешни работи Наќе Чулев на Facebook.
Акцијата за приведување на двете лица, како што нагласува, е реализиранa во непосредна соработка и комуникација помеѓу Интерпол во Приштина и полициските службеници од Министерството за внатрешни работи во нашата земја.
–Согласно информациите со кои располагам понатамошната постапка за екстрадиција ја координира Министерството за правда, вели Чулев и додава дека МВР и понатаму презема мерки и активности за целосно и неселективно спроведување на законот.
