Една од најголемите ѕвезди во НБА лигата, Леброн Џејмс, го продолжи договорот со Лос Анџелес Лејкерс за уште две години за 85 милиони долари.
Џејмс, кој на крајот од овој месец ќе наполни 36 години, ќе остане во Лејкерс до крајот на натпреварувачката 2022/23, што ќе биде негова 20. сезона во НБА лигата.
Како што објави ESPN, Џејмс во новата сезона ќе заработува 39,2 милиони долари, 41,1 милиони долари во сезоната 2021/22, и 44,4 милиони долари во последната сезона.
Џејмс минатата сезона ги предводеше „Езерџиите“ до првата титулата во изминатата деценија, и вкупно 17-та во клупската историја. Претходно во кариерата, тој освои два шампионски прстени со Мајами (2012, 2013) и еден со Кливленд (2016).
