Суперсоничниот авион Concorde се врати во својот дом во музејот Intrepid Sea, Air & Space Museum во Менхетен, откако патуваше по реката Хадсон во Њујорк.
Авионот беше подложен на повеќемесечна реставрација во Бруклин и е еден од седумте кои некогаш биле во сопственост на British Airways. Луѓето собрани покрај бреговите на реката Хадсон имаа можност да го видат легендарниот Concorde за време на неговиот транспорт до музејот.
Претставниците на музејот изјавија дека овој најбрз комерцијален авион во светот е всушност најатрактивната изложба од неговото пристигнување во 2003 година.
„Повеќемесечниот проект за реставрација вклучуваше бришење боја, пескарење и лакирање со истите бои и ознаки што го направија Concorde вистинска легенда на авијацијата“, велат од музејот.
Авионот повторно ќе биде достапен за јавноста од 4 април годинава.
