Компанијата LG официјално го претстави смартфонот Velvet во Јужна Кореја. Претходно беа објавени неколку тизери и фотографии за дизајнот.
Како што се очекуваше, LG Velvet има 3 задни камери во облик на капки од дожд кои се наредени вертикално, а тоа се главната камера од 48, ултрашироката камера од 8 MP и сензорот за длабочина од 5 MP. Напред е селфи камерата од 16 MP.
Исто така, уредот доби процесор на Qualcomm – Snapdragon 765, OLED 6,8-инчен екран и батерија од 4.300 mAh која поддржува и безжично полнење.
Исто така, смартфонот има 8 GB RAM, 128 GB интерна меморија. Уредот е водоотпорен според IP68 стандардот. Достапен е во портокалова, црна, сива и зелена боја, а во Јужна Кореја чини околу 700 долари.
LG Velvet ќе се појави и на европскиот пазар.