Ресторанот „Heavenly Jin“, кој се наоѓа на 120-тиот кат од хотелот „J Shanghai Tower“ и 556,36 метри над земјата, официјално е прогласен за највисок ресторан во зграда, што е забележано и во Гинисовата книга на рекорди.
„Од отворањето гостите го фалат ресторанот поради висококвалитетното гастрономско искуство што подразбира и услугата“, вели Џени Чан, генерална директорка на хотелот „J Shanghai Tower“.
„Дочекуваме гости и пријатели од целиот свет со искуство од повеќе нивоа над облаците“, напомена.
Чан додаде дека ова постигнување е „и доказ за посветеноста на раководството и оперативните тимови на 'Heavenly Jin'“.
„Heavenly Jin“ се наоѓа 100 метри повисоко од претходниот рекордер од 441,3 метри, кој во 2011 година го постави ресторанот „At.mosphere“ и кој се наоѓа на 122. кат во Бурџ Калифа зградата во Дубаи, ОАЕ. Тој ресторан е отворен во 2011 година, според Гинисовата книга на рекорди.
Ресторанот во Шангај има отворена кујна, прозорци од под до таван и 30 метри долг италијански мурал кој го прикажува Патот на свилата, наведуваат од хотелот. Во ресторанот се послужува мешавина од западна, кинеска и јапонска кујна, како и попладневен чај.
Самиот луксузен хотел се наоѓа во најголемиот облакодер во Кина и втор по височина во светот, зад Бурџ Калифа. Хотелските соби се од 86 до 98 кат.
