Мајмунските сипаници може да се шират и пред да се појават симптомите, објавија британски истражувачи.
Претходно, се сметаше дека мајмунските сипаници речиси целосно се пренесуваат од луѓе кои веќе се болни.
Мајмунските сипаници, релативно лесна вирусна болест која е ендемична во неколку земји во Западна и Централна Африка, експлодираше ширум светот на почетокот на оваа година, со епидемии во десетици земји каде што никогаш порано не се појавила.
Оттогаш, има речиси 78.000 потврдени случаи и 36 смртни случаи, според американските Центри за контрола и превенција на болести (CDC). Светската здравствена организација оваа недела објави дека епидемијата сè уште претставува глобална здравствена закана.
Познато е дека вирусот се шири преку близок контакт и предизвикува симптоми како висока температура, болки во телото и често болни лезии на кожата исполнети со гној.
Болеста се шири уште пред да се појават симптомите
За да дознае повеќе за тоа како се пренесуваат мајмунските сипаници во Британија, тим експерти од Агенцијата за здравствена безбедност на Обединетото Кралство користеле рутински надзор и податоци за следење контакти за 2.746 луѓе во земјата кои биле позитивни во периодот меѓу мај и август.
Нивната просечна возраст била 38 години, а 95% од пациентите изјавиле дека се геј, бисексуалци или мажи кои имаат секс со мажи.
Користејќи два статистички модела, тие открија дека средниот сериски интервал е пократок од средниот период на инкубација. Ова укажува дека се случил значителен пренос пред почетокот или откривањето на симптомите, напишаа истражувачите во трудот објавен во British Medical Journal.
Четири дена беа најдолгиот пред-симптоматски период во кој беше откриен пренос, а до 53% од преносот можеше да се случи пред да започнат симптомите.
Студијата покренува прашања за борбата против мајмунските сипаници ширум светот, вклучително и дали барањето од луѓето да се изолираат кога ќе се појават симптомите е доволно за да се запре ширењето на вирусот.
Многу побогати земји вакцинираа високоризични популации за да спречат епидемии, но вакцините се ограничени и недостапни во Африка.
