Мал приватен патнички авион со пет лица синоќа се урна на фреквентен автопат на Флорида и се судри со две возила на земја во несреќа во која загинаа две лица, соопштија властите.
Деловниот авион Bombardier Challenger 600, кој полетал од Охајо, се приближувал до аеродромот во Нејплс кога пилотот преку радио сигнализирал дека двата мотора откажале, соопшти Националната комисија за безбедност на транспортот (НТСБ).
Видеата и фотографиите од местото на настанот го покажаа леталото во пламен и чад откако се урна на меѓудржавниот пат 75 во близина на Нејплс, на брегот на Мексиканскиот Залив. Авионот удрил во автомобил и пикап на автопатот. Во авионот имало пет лица, според НТСБ и Федералната управа за авијација.
Портпаролката на полицијата, Моли Бест, изјави дека три лица од авионот преживеале, а две лица загинале. Но, не кажа дали двајцата загинати се од авионот или од возилото. Не е наведен бројот на луѓе кои се возеле во погодениот автомобил и камион.
Поради несреќата локалните власти мораа да затворат дел од автопатот, по што се создале големи колони на возила.