Групата Måneskin неодамна во интервју за The Guardian проговори за навредите и обвинувањата кои ги трпат поради нивниот начин на облекување.
Победниците на Евровизија 2021, членовите на италијанската група Måneskin неодамна во медиумите проговорија за бројните обвинувања што ги добиваат на сметка на нивните модни комбинации. Во разговорот открија и како Италија, како конзервативна земја, ги прифатила.
„Има некои случаи кога тоа се случува, но понекогаш обвинувањата се толку екстремни. Глупаво е за квир луѓето, кои треба да се борат со овие стереотипи, да ги етикетираат вака и да создаваат уште поголема омраза. Фактот дека членовите на групата, Раџи и Давид, се хетеросексуалци не значи дека не можат да носат шминка или штикли“, објасни Викториа Де Анџелис.
Членовите на групата, Дамјано Давид и Томас Раџи, се изјаснуваат за хетеросексуалци, додека Викториа Де Анџелис и Итан Торкио се сметаат за дел од ЛГБТК+ заедницата. Иако тие се поддржуваат едни со други во сите ситуации, се соочија со обвиненијата од многу ЛГБТК+ луѓе заради употребата на шминка и избор на облека.
За време на настапот на групата на доделувањето на наградите MTV Video Music Awards во август, басистиката Де Ангелис носеше горен дел кој покриваше само една од нејзините гради, а на другата на брадавицата имаше налерпница. Додека свиреше ѝ падна покриениот дел, а MTV брзо го цензурираше настапот за гледачите крај малите екрани. Басистката потоа разговарала со организаторите и им рекла дека имаат двојни стандарди.
