Милијардерот Илон Маск го распушти Управниот одбор на Twitter со што ја зацврсти контролата над компанијата која неодамна ја презеде.
Неговиот потег е откриен во документите на американската Комисија за хартии од вредност и берза.
„На 27 октомври, по завршување на договорот за преземање, господин Маск стана единствениот директор на Twitter“, се наведува.
Меѓу деветте отпуштени директори се поранешниот претседател на одборот Брет Тејлор и поранешниот извршен директор Параг Агравал.
Постојат шпекулации дека ќе основа совет кој ќе ги преиспита одлуките за модерирање содржини, дека од работа ќе отпушти голем број вработени и дека на претходно забранетите корисници ќе им дозволи враќање на платформата.
