Американскиот визионер Илон Маск верува дека луѓето ќе се движат на површината на Марс до крајот на оваа деценија.
Новото, амбициозно тврдење Маск го соопшти во разговор за CNBC минатиот викенд, кога изјави дека луѓето ќе чекорат на Марс до крајот на 2020-тите.
„Мислам дека тоа ќе се случи во оваа деценија. Луѓето ќе стапнат на Месечината многу порано. Мислам дека треба да извршиме голема достава на површината на Марс, а по тоа луѓето ќе почнат многу повеќе да размислуваат на оваа тема. Пет или шест години подоцна, луѓето ќе увидат дека Марс е вистинското место за посета“, изјави Маск.
Според него, патувањето до Црвената планета може да се овозможи со ракетата Starship, дизајнирана да биде ракета/вселенско летало кое повеќе пати ќе се употреби и ќе служи за пренос на екипаж и товар на месечината и на Марс, како и за нивно враќање на Земјата.
Starship наводно е толку напреден што сериозно ги загрижува конкурентите. SpaceX се наближува кон првиот орбитален лет со ракетата, а лансирањето би требало да се изврши од базата во Тексас. Но, за да се случи тоа, потребно е Американската федерална администрација да изврши процена.