Илон Маск најави продолжување на финансирањето на мрежата Starlink во Украина, иако пред само неколку дена го кажа спротивното.
Основачот на приватната американска вселенска компанија SpaceX, Илон Маск изјави дека ќе продолжи да ја финансира интернет мрежата Starlink во Украина.
Само еден ден пред оваа одлука, Маск ги повика американските власти да продолжат со финансирањето на Starlink, наведувајќи дека неговата компанија не може да ја финансира таа мрежа на неодредено време.
На 15 октомври, американскиот милијардер се премисли, велејќи дека ќе продолжи да ја финансира таа украинска мрежа, а од почетокот на војната во Украина, SpaceX испорача, ако се верува во претходните извештаи, околу 25.000 уреди кои обезбедуваат интернет поврзување преку сателити кои заедно ја формираат мрежата Starlink.
Мрежата Starlink помогна во одржувањето на интернет покриеноста во областите на Украина кои беа цел на руската војска.
Сепак, од јуни, околу 15 отсто од постојната интернет инфраструктура на Украина е уништена или оштетена, објавија неодамна тамошните власти. Поради непочитување на одредени високи претставници на Украина, Маск пред само неколку дена изјави дека ќе престане да дава интернет услуги за таа земја, но, како што сега е јасно, тоа нема да се случи.
Бидејќи Starlink се користи за воени цели, некои кинески официјални лица повикаа на уништување на сателитите на Илон Маск.
