Компанијата McDonald's објави дека го менува вкусот на своите хамбургери – на подобро.
„Видовме можност да направиме некои промени за да ги направиме нашите хамбургери уште повкусни“, рече шефот за маркетинг и грижа на корисници на McDonald's во САД, Тарик Хасан, според Reuters.
Промените веќе се воведени во Австралија, Канада и Белгија, додаваат од компанијата McDonald's.
Што се однесува до Америка, новите, подобрени хамбургери се продаваат во некои градови во сојузните држави Калифорнија, Вашингтон, Аризона и други држави во западниот дел на САД.
Низ целата територија на САД ќе се продаваат почнувајќи од 2024 година.
Компанијата McDonald's ќе ги промовира новите хамбургери со помош на виртуелниот лик „Hamburglar“, кој се користел во рекламите во текот на седумдесеттите и осумдесеттите години на минатиот век.