Од 18:51 до кај 18:54 часот на македонското небо од северозапад према југоисток синоќа беше видлива Меѓународната вселенска станица, настан кој предизвика љубопитност кај вљубениците во вселената.
Италијанскиот астронаут Ињацио Мањани, кој редовно на својот профил на Twitter известува за настаните поврзани со МВС, синоќа ги натера македонските граѓани да ги наместат алармите за да го следат невообичаениот настан на небото, прелетувањето на МВС.
„Добро утро Северна Македонија“, почна Мањани уште утрото пред 8 часот по македонско време. „Меѓународната вселенска станица ќе биде видлива денеска со голо око (ако дозволат облаците) секаде (во држават, заб. на прев.) во 18:53 часот. Наместете го својот аларм, споделете ја најдобрата фотка“, порача тој.
Временските услови навистина дозволија, а македонските граѓани кои не заборавија во тие 2-3 минути да погледнат низ прозорците или од терасите ја испратија МВС на своето брзо патувањето околу Земјата.
Меѓународната вселенска станица лета во ниската орбита со брзина од 27.600 km/h и за 92,68 минути прави круг околу Земјата, отприлика по 15,5 круга за 24 часа. Моментално десетчлен екипаж се наоѓа горе од кои петмина Руси, тројца Американци и по еден Французин и Јапонец.