Сопругата на американскиот претседател Доналд Трамп, Меланија, која исто така е заразена со коронавирусот, нема да го посети својот сопруг во болница поради ризик за вработените.
Првата дама на САД остана во Белата куќа, јави NBC News.
– Таа има COVID-19. Oва би ги изложило агентите што ја возат и медицинскиот персонал кој оди со неа на ризик и тие да се разболат, изјавија од американската администрација.
Американскиот претседател е во болница од петокот вечерта, додека Меланија остана во Белата куќа.
